Hoxe, día 7 de marzo de 2018, no salón de actos do centro e co alumnado de 1º, 2º e 3º ESO tivemos unha charla moi interesante sobre a IGUALDADE NAS PROFESIÓNS. Para iso contamos coa colaboración dalgunhas mulleres que tiveron a xentileza de colaborar con nós: Margarita, Gloria, Isabel, Mª Carmen, Silvia, Loli e Vanessa; cada unha delas cunha profesión diferente: directora de recursos humanos, condutora autobuses, sindicalista, interventora, policia local, taxista e militar. Contáronos como foi a súa carreira profesional, a situación da muller nestes momentos na súa profesión, como foron os seus comezos laborais, dificultades que atoparon, ... unha charla da que aprendemos moitos e da que esperamos que lle saquedes partido.
O obxectivo era a de romper estereotipos no mundo laboral, e que deixemos de asociar as profesións a un xénero determinado. E como dicían elas "cada muller pode chegar a ser aquilo que se propoña".
Grazas a todas elas pola súa colaboración desinteresada e a todo o alumnado e profesorado polo intersese mostrado.
Onte no instituto tivemos no salón de actos a reunión de orientación académica para o alumnado de 2º de ciclos superiores (CS animación en actividades físicas e deportivas e CS comercio internacional) que ten como obxectivo acceder a universidade.
Os estudantes que posúan un título oficial de Técnico Superior de Formación Profesional, de Técnico Superior de Artes Plásticas e Deseño ou de Técnico Deportivo Superior, ou con títulos, diplomas ou estudos declarados equivalentes ou homologados no Sistema Educativo Español, poderán acceder á Universidade.
As solicitudes ordenaranse segundo a nota media do Título de Técnico Superior realizado, sobre un máximo de 10.
Tendo en conta que a nota de acceso á Universidade pode ser de 14 puntos, os que desexen mellorar a súa nota de admisión aos estudos de grado, poderán facelo concorrendo á parte voluntaria da ABAU.
Esta proba é voluntaria, e o estudante pode presentarse ata un máximo de catro materias de entre as de modalidade do segundo curso de bacharelato, podendo obter ata 4 puntos. A cualificación das materias desta proba terá validez durante os dous cursos académicos seguintes á superación das mesmas.
DESCRICIÓN:
O Ministerio de Educación, Cultura e Deporte convoca ata 1.560 axudas para
participar no Programa Campus Científicos de Verán para alumnos de 4º ESO ou 1º
BACH, na especialidade de Ciencias e Tecnoloxía.
DATAS E LUGAR DE CELEBRACIÓN:
Os Campus terán lugar entre o 1 e o 28 de xullo de 2018, en catro quendas
de 7 días de duración cada un, de domingo pola tarde a sábado ao mediodía,
segundo o seguinte calendario:
Primeira quenda: Para estudantes de 1º BACH. Do 1 ao 7 de xullo.
Segunda quenda: Para estudantes de 1º BACH. Do 8 ao 14 de xullo.
Terceira quenda: Para estudantes de 4º ESO. Do 15 ao 21 de xullo.
Cuarta quenda: Para estudantes de 4º ESO. Do 22 ao 28 de xullo.
Desenvolveranse en laboratorios e departamentos de investigación adscritos aos
Campus de Excelencia Internacional de universidades:
Universidade Autónoma de Madrid, Universidade de Castilla-A Mancha,
Universidade de Granada, Universidade de Estremadura, Universidade das Palmas
de Gran Canaria, Universidade de Murcia/Universidade Politécnica Cartagena,
Universidade de Oviedo, Universidade de Salamanca, Universidade de Santiago de Compostela,
Universidade de Sevilla, Universidade de Valencia/Universidade Politécnica de
Valencia, Universidade de Valladolid, Universidade de Vigo.
REQUISITOS:
- Estar cursando, no ano académico 2017-2018, 4º ESO (opción ensinos académicos
con materias de Bioloxía e Xeoloxía ou Física e Química, ou na opción de
ensinos aplicados cursando "Ciencias Aplicadas á Actividade Profesional)
ou 1º BACH da modalidade de Ciencias.
- Nacer con posterioridade ao 31 de decembro de 2000.
- Non ser adxudicatario dunha axuda, habendo participado nun proxecto, en
edicións anteriores do Programa Campus Científicos de Verán.
- Haber cursado no sistema educativo español, o curso escolar 2016-2017, habendo
obtido unha nota media igual ou superior a 8,5 puntos.
SOLICITUDES:
As solicitudes de participación deberanse cumprimentar mediante o formulario
accesible por vía telemática a través da dirección electrónicawww.campuscientificos.es. Unha vez cumprimentado o formulario enviarase
telemáticamente ou tamén se poderá presentar a solicitude impresa.
O prazo de presentación :ata o 9 de marzo de 2018 ás 15,00h.
PREZO:
Os estudantes que obteñan praza deberán abonar a cantidade de 85 euros, en
concepto de matriculación.
DOTACIÓN:
O importe da axuda será transferido polo Ministerio de Educación, Cultura e
Deporte á Fundación Española para a Ciencia e a Tecnoloxía (FECYT). A axuda
cobre os gastos de materiais, actividades complementarias, aloxamento,
asistencia de monitores, manutención e seguro de accidentes e responsabilidade
civil.
Corre a cargo do beneficiario o traslado ao campus asignado desde o seu
lugar de orixe e os gastos non derivados do programa. BOE
Hoxe mércores, ás 10:00 h da mañá recibimos ao alumnado e orientadora do CPR POSSUMUS, para facer a XORNADA DE ACOLLIDA.
No salón de actos a directora e o xefe de estusos déronlle a benvida ao noso centro, logo o orientador informounos sobre a novas etapas educativas que poden comezar ao rematar a ESO si escollen o noso centro.
Logo fixemos unha visita ás distintas aulas, aula de música, pavillón
deportivo, laboratorio de ciencias naturais, de física e química, aula de 1º bacharelato... e
a biblioteca, onde a profe Bea tiña preparada unha explicación sobre o
funcionamento da nosa biblioteca.
Despois de tomar algo na cafetería do instituto conviviron co noso
alumnado no recreo, e para rematar a foto de rigor na entrada do
edificio.
Nesta actividade participou alumnado de 1º de bacharelato (Ana Clara e Juan) explicandolles as normas da aula e as distintas dependencias do centro. Moitas grazas pola vosa colaboración.
Deixovos unha fotos desta actividade co CPR POSSUMUS.
As palabras poden ferir tanto ou máis que un golpe. Os seus efectos perduran na mente dos pequenos, xa que eles toman ás figuras paternais como fonte de sabedoría e ensino.
Isto lévaos a pensar, si o meu pai ou a miña nai dinme que non fago nada ben, debe ser certo?
É por iso que se considera o maltrato verbal unha forma de violencia infantil que provoca malestar emocional.
Segundo o EDNA, unha asociación que pregoa os dereitos infantís, a violencia verbal clasifícase en dúas formas:
1.- A activa: inclúe a falta de respecto, o insulto, a sobresixencia e a falta de comprensión. Maniféstase en frases como:
• Non serves para nada
• Es parvo, non podes entender o que che explico
• Non cha cabeza, parece que pensas cos pés
• Es grande, xa me tes cansa
• Estou farto de dicirche as cousas unha e outra vez
• Es igual de bobo que o teu pai/nai
• Xa verás cando cheguemos a casa
2.- A pasiva: isto abarca a indiferenza, o desamor e o desinterese. Pode causar trastornos graves.
Hoxe pola mañá comezamos cos obradoiros sobre a prevención de drogodependencia e outras adiccións que organizamos xunto co plan local do concello.
Os diferentes cursos que traballaran neste tema son os de 2º, 3º, 4º ESO e FPB ao longo de 4 sesións que se levarán a cabo nas horas de titorías. Desexamos que sexan do voso interese e que aprendades moitas cousas.
Tamén temos preparada unha sesión para pais/nais dentro da escola de pais/nais para o día 7 de marzo2018 (mércores); as familias como factor protector fronte ás drogas.
4º ESO B: LUNS 26 febreiro, 5, 12, 19 marzo - 1º HORA (9:00 - 9:50)
3º ESO: MARTES 27 febreiro, 6, 13, 20 de marzo - 1º HORA (9:00-9:50)
4º ESO A: MARTES 27 febreiro, 6, 13, 20 de marzo - 2º HORA (9:50 -10:40)
1º FPB: MARTES 27 febreiro, 6, 13, 20 de marzo - 3º HORA (10:40-11:30)
2º ESO A : MARTES 27 febreiro, 6, 13, 20 de marzo - 4º HORA (12:00-12:50)
2º FPB: MÉRCORES 28 febreiro, 7, 14, 21 de marzo - 1º HORA (9:00 - 9:50)
2º ESO B: MÉRCORES 28 febreiro, 7, 14, 21 de marzo - 3º HORA (10:40 -11:30)
As 10:00 h da mañá recibimos ao alumnado e profesorado do CEP Santa Tegra e CEIP Eduardo Pondal, centros adscritos ao noso instituto, para disfrutar xunto con eles dunha XORNADA DE ACOLLIDA.
No salón de actos a vicedirectora deulle a benvida ao noso centro, logo o orientador informounos sobre a nova etapa educativa que están a piques de comezar, a ESO.
Nesta actividade participou alumnado de 1º ESO ( Hugo e Miguel) e alumnado axudante de 2º ESO (Iria e Pablo) explicandolles as normas da aula, o uso da axenda escolar do instituto e tamén as distintas dependencias do centro. Moitas grazas pola vosa colaboración.
Logo fixemos unha visita ás distintas aulas, aula de plástica, de francés, laboratorio de ciencias naturais, ... e a biblioteca, onde a profe Isabel tiña preparada unha explicación sobre a mesma e un xogo; e para rematar unha sorpresa.
Despois de tomar algo na cafetería do instituto conviviron co noso alumnado no recreo, e para rematar a foto de rigor na entrada do edificio.
Deixovos un par de fotos para que vós vexades xa no novo instituto.
Deixando un pouco de lado as orixes ou as raíces das que pode provir a educación emocional, en estudos máis recentes (1990) Peter Salovey e John Mayer son os primeiros en definir o término Intelixencia Emocional como "a capacidade para supervisar os sentimentos dun mismo dos demais, de discriminar entre eles e de usar esta información para a orientación da acción e os pensamentos propios".
Daniel Goleman en 1995 no seu Best Seller intelixencia emocional defínea como "a capacidade para xestionar as miñas emocións, utilizar condutas adecuadas, dirixilas cara a obxectivos desexados cunha influencia positiva nas persoas e cun obxectivo win-win (gañar-gañar)"
Segundo Goleman a intelixencia emocional comprendería cinco competencias repartidas en dous grandes grupos, por unha banda estarían:
As competencias intrapersonales, que se dirixen cara a un mesmo, cara á xestión do propio mundo emocional e serían o autoconocimiento, a autogestión e a automotivación.
As competencias interpersonales ou sociais, que van dirixidas a xestión da nosa relación coa contorna social no cal nos desenvolvemos e que nos capacitan para tomar conciencia dos sentimentos, necesidades e preocupacións dos demais.Serían a empatía e as habilidades sociais.
Hoxe, en horario de mañá e tamén de tarde, tivemos unha charla no salón de actos para o alumnado de 2º curso de ciclos medios e ciclos superiores. Santiago foi o encargado de impartila, e o tema era AS BECAS FEUGA.
Explicounos un pouco que tipo de becas eras as becas FEUGA, como se pode acceder a elas, requisitos, como facer un curriculo vitae, ...
FEUGA promove a través de becas de formación a inserción laboral de
estudantes e titulados universitarios e titulados de Formación Profesional.
Actúa de elemento condutor para que a transferencia de coñecementos circule
entre os centros educativos e a empresa, neste caso, a través de recursos
humanos.
Trátase dunha seña de identidade da Fundación e unha liña de actuación
especialmente valorada, tanto polos alumnos como polas empresas. Proba diso son
as cifras crecentes ano a ano de mozos/as solicitantes, de empresas participantes
e de contratación laboral: ao término das estancias de formación en prácticas,
máis do 50 % dos beneficiarios dunha beca atopan emprego.
