GUÍAte

mércores, 30 de marzo de 2022

ORIENTACIÓN 2º BACHARELATO

Na seguinte presentación tendes a información máis relevante con respecto ás saídas tras cursar 2º de Bacharelato: ABAU, universidades galegas e estatais, acceso a ciclos formativos de Grao Superior, becas, mercado laboral...

Prestade atención aos enlaces presentes na presentación.

Agardo que vos sirva de axuda!

martes, 8 de marzo de 2022

8M DÍA INTERNACIONAL DA MULLER

A continuación deixamos un vídeo explicativo do motivo da conmemoración deste día.

Vídeo explicativo 8M

Para traballalo mellor, adxuntamos tamén unha actividade na que analizaredes a información recibida. Desta forma, reforzaremos a atención, concentración e comprensión lectora!

xoves, 20 de xaneiro de 2022

PROBAS DE ACCESO Á UNIVERSIDADE PARA MAIORES DE 25

As probas de acceso á universidade son unha opción máis da que dispomos para continuar co noso percorrido académico.

Tedes toda a información (convocatoria, procedemento, modelos de exame, etc.), clickando aquí: CiUG

Ademais, déixovos un pequeno resumo:

xoves, 13 de xaneiro de 2022

PROBAS DE ACCESO A CICLOS

Convócanse as probas de acceso a ciclos de grao medio e de grao superior (Normativa: Orde do 17 de decembro de 2021).

Trátase dunha oportunidade máis para poder continuar co percorrido académico, aproveitádea!

Déixovos a continuación información relevante das mesmas.

Se tendes calqueira dúbida pasádevos polo Departamento de Orientación. Animádevos!

PROBA DE ACCESO A GRAO MEDIO

PROBA DE ACCESO A GRAO SUPERIOR

xoves, 2 de decembro de 2021

3 decembro: Día Internacional das Persoas con Discapacidade

Sinalamos este día para a igualdade das persoas con discapacidade e a súa inclusión real na nosa sociedade. TODOS/AS BAIXO O MESMO PARAUGAS!

mércores, 17 de novembro de 2021

COÑEZO A VIOLENCIA CONTRA AS MULLERES

A violencia de xénero e a violencia contra as mulleres preséntase de moitas formas diferentes. Para poder rexeitala, temos que coñecer ben todas as súas variables.

Comecemos xa!

"ENTENDO O QUE CANTO?"

Presentamos unha actividade para traballar sobre a letra das cancións e o seu contido machista.

TIPOS DE VIOLENCIA MACHISTA

O 25 de novembro. Día Internacional da Eliminación da Violencia contra as Mulleres.

Con ese motivo, elaboramos este cartel explicativo sobre os diferentes tipos de violencias e propomos unha serie de actividades.

Loitar contra a violencia machista é unha cousa de todos e todas, IMPLICÁDEVOS!

martes, 2 de novembro de 2021

Aspectos a ter en conta á hora de estudar

O estudo pode ser unha tarefa realmente complexa se non establecemos un plan axeitado para afrontala.

Na seguinte presentación trátanse unha serie de aspectos básicos a ter en conta para deseñar o noso plan de traballo. Poderase seguir esta presentación, acompañándoa polo cartel-guión da mesma, a táboa de rexistro para o plan de estudo e/ou a actividade sobre os hábitos de estudo.

martes, 19 de outubro de 2021

Preséntome!

Moi boas a todas e todos! 😊

Preséntome:

son Laura, a nova orientadora do IES A Guía. Por fin teño acceso ao xenial Blog que manexábades en anos anteriores e que espero seguir empregando con vós durante este curso.

Agardo que nos vaiamos coñecendo mellor pouco a pouco e poder axudarvos no que precisedes, xerando sinerxias nos nosos traballos!

Calquera suxerencia que teñades, non dubidedes en contactar comigo... Teño moitas gañas de aprender e espero facelo da vosa mán.

Encantada de compartir este tempo con vós... verémonos moito,

Apertas,

Laura