BECA MEFP 23-24

 Xa podedes solicitar a beca xeral do Ministerio de Educación e Formación Profesional para o curso 2023-2024.

Prazo de matrícula: 27 de marzo ao 17 de maio.

É necesario que a realicedes pese a non estar seguras/os do que ides a estudar. Complementádea cos estudos máis probables, xa que os poderedes actualizar máis adiante.

Tendes toda a información nos seguintes enlaces: Beca Ministerio

Pasos a seguir

Para que estudos se pode solicitar?

Requisitos

Canto diñeiro podes recibir?

Obrigas

CONVOCATORIA PROBAS DE ACCESO FP

Como cada ano, convócanse as probas de acceso a ciclos de grao medio e grao superior. 

REQUISITOS XERAIS PROBAS PARA GRAO MEDIO 

     - Non estar en posesión do título da ESO ou equivalente. 

     - Ter 17 anos ou cumprilos no ano natural. 

CARACTERÍSTICAS DA PROBA 

     - Parte sociolingüística: lingua castelá, lingua galega, ciencias sociais. 

     - Parte matemática: matemáticas. 

     - Parte científico-técnica: ciencias naturais, tecnoloxía. 

REQUISITOS XERAIS PROBAS PARA GRAO SUPERIOR 

    - Non estar en posesión do título do BAC ou título técnico (Grao medio). 

    - Ter 19 anos ou cumprilos no ano natural. 

CARACTERÍSTICAS DA PROBA 

     - Parte común: lingua galega, lingua castelá, matemáticas. 

     - Parte específica (en función da familia): 

             A. Economía da empresa, inglés/francés, filosofía. 

             B. Debuxo técnico, tecnoloxía industrial e física. 

             C. Ciencias da terra e ambientais, química e bioloxía. 

A CONTINUACIÓN, O CALENDARIO COS PRAZOS CORRESPONDENTES:

INICIAMOS A MEDIACIÓN ESCOLAR

 

Becas Amancio Ortega (1º BAC en Canadá ou EEUU)

Outro ano máis, convócanse as becas da Fundación Amancio Ortega para estudar 1º de bacharelato en Canadá ou Estados Unidos para o curso 23/24.

As becas están dirixidas ao alumnado de 4º da ESO. Convivirán cunha familia durante o curso escolar no país de destino. 

A beca inclúe o 100% do coste dos servizos necesarios: viaxe de ida e volta, taxas de escolarización e matrícula nun centro público, aloxamento e manutención nunha familia de acollida, seguro médico e de accidentes, convalidación do curso académico e unha pequena asignación mensual para gastos menores.

Requisitos:

1. Estar inscrito como estudante de 4º da ESO.
2. Ter cursado 1º, 2º e 3º da ESO conforme ao sistema educativo español.
3. Non ter realizado unha experiencia académica igual ou superior a 4 meses como estudante internacional nun país extranxeiro durante os cursos da ESO.
4. Nota media mínima de 7 en 3º da ESO.
5. Nota mínima de 7 en inglés na avaliación final de 3º da ESO.
6. Ter DNI ou NIE e pasaporte español.
7. Información tributaria da unidade familiar (non se require un nivel mínimo nin máximo de renda familiar).

Prazo de inscripción: do 12 de setembro ao 11 de outubro ás 13h.

Enlace á solicitude e información

ORIENTACIÓN 6º PRIMARIA - XORNADA PORTAS ABERTAS

 O tránsito á Educación Secundaria Obrigatoria pode dar algo de medo... os cambios sempre impoñen.

Con información, todo é máis fácil!

Aquí tendes recollido os datos máis importantes que debedes coñecer... esperamos que vos axude e temos moitas gañas de darvos a benvida ao IES A Guía 😀

Orientación FPGS

A orientación académica e profesional é algo que nos acompañará ao longo do noso desenvolvemento durante toda a vida. 

Sempre temos opción de cambiar, de querer mellorar, avanzar e coñecer novos horizontes. 

Na seguinte presentación, tendes a información básica sobre as principais opcións unha vez obter un título de técnico superior de formación profesional. 

Non esquezamos que, o sistema educativo marca unha serie de camiños máis estandarizados, pero que sempre exiten opcións e posibilidades de poder adaptalo o máximo posible ás nosas circunstancias e características persoais. 💪💪  

BECAS MEFP

Aquí tendes a información relacionada para a solicitude das Becas do Ministerio de Educación e Formación Profesional. 

 Lembrade que o prazo é ata o 12 de maio.

ORIENTACIÓN 1º BACHARELATO

Que opcións teño unha vez estou no 1º curso?

ORIENTACIÓN 4º ESO

Aquí, a orientación académica correspondente a 4º da ESO. É hora de tomar decisións!

ORIENTACIÓN 3º ESO

Aquí tendes recollida a información básica para a vosa orientación académica. 

Calquera dúbida ou casuística persoal, podedes pasarvos polo Departamento de Orientación. 

 Ánimo! ✊

BONO CULTURAL JÓVENES

 Deixo un pequeno resumo para que solicitedes esta axuda.

Na seguinte enlace, tendes máis información

Enlace coa información

ORIENTACIÓN 2º BACHARELATO

Na seguinte presentación tendes a información máis relevante con respecto ás saídas tras cursar 2º de Bacharelato: ABAU, universidades galegas e estatais, acceso a ciclos formativos de Grao Superior, becas, mercado laboral... 

Prestade atención aos enlaces presentes na presentación.

 Agardo que vos sirva de axuda!

8M DÍA INTERNACIONAL DA MULLER

A continuación deixamos un vídeo explicativo do motivo da conmemoración deste día.

Vídeo explicativo 8M

Para traballalo mellor, adxuntamos tamén unha actividade na que analizaredes a información recibida. Desta forma, reforzaremos a atención, concentración e comprensión lectora!

PROBAS DE ACCESO Á UNIVERSIDADE PARA MAIORES DE 25

As probas de acceso á universidade son unha opción máis da que dispomos para continuar co noso percorrido académico.

Tedes toda a información (convocatoria, procedemento, modelos de exame, etc.), clickando aquí: CiUG

Ademais, déixovos un pequeno resumo:

 

PROBAS DE ACCESO A CICLOS

Convócanse as probas de acceso a ciclos de grao medio e de grao superior (Normativa: Orde do 17 de decembro de 2021). 

Trátase dunha oportunidade máis para poder continuar co percorrido académico, aproveitádea! 

Déixovos a continuación información relevante das mesmas.

Se tendes calqueira dúbida pasádevos polo Departamento de Orientación. Animádevos!

PROBA DE ACCESO A GRAO MEDIO

PROBA DE ACCESO A GRAO SUPERIOR

3 decembro: Día Internacional das Persoas con Discapacidade

Sinalamos este día para a igualdade das persoas con discapacidade e a súa inclusión real na nosa sociedade. TODOS/AS BAIXO O MESMO PARAUGAS!

COÑEZO A VIOLENCIA CONTRA AS MULLERES

 A violencia de xénero e a violencia contra as mulleres preséntase de moitas formas diferentes. Para poder rexeitala, temos que coñecer ben todas as súas variables.

Comecemos xa! 

"ENTENDO O QUE CANTO?"

 Presentamos unha actividade para traballar sobre a letra das cancións e o seu contido machista.

TIPOS DE VIOLENCIA MACHISTA

 O 25 de novembro. Día Internacional da Eliminación da Violencia contra as Mulleres.

Con ese motivo, elaboramos este cartel explicativo sobre os diferentes tipos de violencias e propomos unha serie de actividades.

Loitar contra a violencia machista é unha cousa de todos e todas, IMPLICÁDEVOS!

Aspectos a ter en conta á hora de estudar

O estudo pode ser unha tarefa realmente complexa se non establecemos un plan axeitado para afrontala.

Na seguinte presentación trátanse unha serie de aspectos básicos a ter en conta para deseñar o noso plan de traballo. Poderase seguir esta presentación, acompañándoa polo cartel-guión da mesma, a táboa de rexistro para o plan de estudo e/ou a actividade sobre os hábitos de estudo.